TVB熱播劇《奪命提示》開播以來話題不斷，當中除咗各位主演在劇中連環上演多場超精彩動作戲外，劇中嘅童星一樣備受關注！在劇中飾演張振朗「契女」子瑜一角嘅鍾嘉佑正係其中之一，雖然鍾嘉佑年紀細細，但係大騷喊功就獲唔少網民大讚演技完全唔輸劇中一眾演員！而參演時（2023年）年僅11歲嘅鍾嘉佑更係越大越靚女，現時13歲嘅佢已經同拍劇時嘅樣子大不同！

鍾嘉佑在第16集中繼續擔任重要角色之一，意外被恐怖分子盯上嘅嘉佑除咗繼續演活病重角色外，被綁喺車內嘅嘉佑仲會大騷超出色喊功，超緊湊劇情狂展示演技！

13歲嘅鍾嘉佑更係越大越靚女，相比起2023年參與拍攝時嘅樣子，現時嘅鍾嘉佑可以話係女大十八變！而除咗演技了得之外，鍾嘉佑其實亦才藝多多，曾于學校朗誦節獲得英文朗誦亞軍嘅佢原來仲係一位「舞林高手」，更會不時在社交平台分享自己跳舞嘅片段，認真叻女！

鍾嘉佑上月出席宣傳活動時亦有曬出與何珀廉（飾安仔）嘅合照。

至于飾演安仔、現年13歲的何珀廉（Curtis）亦來頭不少。曾接拍不少廣告的珀廉，除參與過《金宵大廈2》、《美麗戰場》、《羅密歐與祝英台》等共13部劇集拍攝，2023年更曾憑電影《年少日記》的演出提名金像獎最佳新演員，實力不容忽視。

文章未完，點擊下一頁繼續